Posts on Atxukale.eus

Israel? Ez Eskerrik Asko

Tue, 03 Jun 2025 17:35:56 +0200

Israelgo produktuak? ez, eskerrik asko

Israel munduaren begiradapean genozidioa burutzen ari den honetan, mundu osoan hainbat manifa eta mobilizazio ikusten ari gera.

Herritar moduan, badirudi gauza handirik ezin degula egin: gure agintariei zerbait egiteko eskatu, eta guk gure aldetik, manifestazioetan parte hartu egoera negargarri hau salatzeko.

Baina bai, hortaz gain, beste tresna potente bat ere badaukagu gure eskura: gure kontsumoa.

Egunerokotasunean hainbat produktu erosten ditugu, eta erosketak egiterakoan badira hainbat produktu boikoteatu ditzakegunak, era batean edo bestean marka horien atzean dauden enpresak Israelekin harreman komertzialak dituztelako, eta ondorioz Israelgo ekonomiari laguntzen diotelako.

Nextcloud eta Segurtasuna: Geolokalizazioa

Sun, 03 Jan 2021 18:49:15 +0200

Aurrez azaldu izan dudan moduan, nire etxeko router-aren alboan bizi den raspberrypi-an jarrita dut gure etxeko Nextcloud zerbitzari txikia. Zerbitzari honetan gure hodei zerbitzu pribatua dugu, eta gure datuak guk kudeatzen ditugunez, gure datu pertsonalak ez daude denok ezagutzen ditugun atzerriko monopolioen eskuetan.

Gaur egun Internet sarean konektatuta dauden beste zerbitzu guztiak bezala, gure raspberriak erasoak jasatzen ditu. Mundu osotik, bot automatizatuak gure zerbitzari txikian sartzen saiatzen dira, beraz oso garrantzitsua da gure zerbitzaria babestea. Gure zerbitzua denez, gure ardura izango da segurtasuna bermatzea.

Scalelite Bigbuebutton Karga Banatzailea

Sat, 21 Nov 2020 19:13:31 +0200

Artikulu honetan ikusiko dugunez, BigBlueButton eskalatu ahal izango dugu ehundaka erabiltzaile konkurrenteri zerbitzua emateko.

Sarrera

Aurrez ikusi izan degu nola instalatzen den BigBlueButton (aurrerantzean BBB) zerbitzari bat.

BBB zerbitzari bat nahikoa da batera (konkurrentzian) 175 erabiltzaileri zerbitzua emateko, beti ere denek ez badute batera bideokamera aktibatzen.

Erakunde edo ikastetxe txiki baten kasuan, zerbitzari bakarra nahikoa izan daiteke, baina ikastetxe ertain edo handi batean kopuru horiek gainditu daietezke, batez ere konfinamendu eta pandemia garai hauetan.

LibreofficeOnline eta Nextcloud batera lanean

Mon, 08 Jun 2020 19:17:45 +0200

Eguneraketa: 2020ko ekainak 5-ean Eguneratua. Post hau gaurko egunez dagoen LOOL-eko azken bertsioaren instalazioarako eguneratuta dago.

Nextcloud zerbitzarian bulegotika/ofimatika dokumentuak online editatu ahal izateko lehen aukeretako bat CollaboraOnline erabiltzea da. Oso erreza da bera konfiguratzea, docker bidez instalatzen da eta ondo integratuta dago.

Arazoa da docker kontainerrak batera konektatua egon daitezkeen erabiltzaile kopurua mugatuta daukala: 10 erabiltzaileko/dokumentuko konkurrentzia onartzen du, hortik gora mezu bat azaltzen da muga gainditu dela esanez.

CollaboraOnline docker irudia LibreOfficeOnline-ean oinarrituta dagonez, bigarren hau Nextcloud-ekin erabiltzeko nola instalatu eta konfiguratu dezakegun azaltzera goaz. Lan gehiago eskatuko digu, baina posible da.

Moodle Zereginetara Igotako Dokumentu Ofimatikoak Automatikoki Pdf Formatura Bihurtu Zuzendu Eta Iruzkinak Jarri

Sun, 05 Apr 2020 20:07:47 +0200

Moodle-en irakasleak zeregina izeneko jarduera bat publikatzen duenean, gero ikasleek beraien lanak bertara igo ditzakete, eta irakasleak hortik zuzendu ditzake.

Ofimatika dokumentuak (LibreOffice, Microsoft Office) automatikoki PDF bihurtzen ditu, eta irakasleak PDF horren gainean “marrazten du”. Irakaslek jarritako iruzkinekin beste PDF bat sortzen da, eta hau da ikasleak feedback moduan jasotzen duena.

Hau egin ahal izateko, zebitzarian unoconv paketea instalatuta egon behar da

apt-get install unoconv

Ondoren “unoconv listener” martxan jarri behar dugu, hemen azaltzen den bezala. Debian baten kasuan

Moodle Ikastaroa Bideotutorialen Bitartez

Tue, 31 Mar 2020 20:15:19 +0200

Ondoren jartzen dizkizuet Cadiz-ko Unibertsitatekoek beraien Youtube kanalean publikatu duten bideo sorta gaika antolatuta.

Eduki hauek beraien Moodle (Campus Virtual deitzen diote) irakasle zein ikasleei nola funtzionatzen duen azaltzeko sortu dituzte. Moodle eta BigBlueButton integratuta dituztenez, BBB tresnaren erabilera ere azaltzen dute.

Moodle formakuntzarako oso bideotutorial egokiak dira. Bideoak gazteleraz daude, baina hemen jartzen ditut kalitate oso onekoak direlako, eta uste det oso baliagarriak izan daitezkeela.

Moodle lehen aldiz erabiltzen

Baliabideak eta jarduerak

Baliabideak: ikasleen eskura informazioa jartzeko era ezberdinak

Jarduerak: Ikasleen parte-hartzea sustatzeko tresnak

Zereginak: Ikasleen lanak nola jaso eta ebaluatu
- Zereginak sortzen
- Zereginak ebaluatzen
Galdetegiak:
Foroak
- Foroa sortu
- Foroa kudeatu
Inkestak
Kontsulta edo galderak
Tailerra
Glosarioa
Sarbide murrizketa

Talde lana

Ikasleen jarraipena eta ebaluazioa

Konfigurazioa eta aukera orokorrak

Blokeak

Moodle ikasleen ikuspegitik

BIGBLUEBUTTON konferentzia sistema

Audioa eta bideoa

Erabiltzaileak eta rolak

Rolak ulertu

Gela birtual baten aukerak

Bigbluebutton Bideokonferentziak Egiteko Software Libreko Tresna

Sat, 21 Mar 2020 11:14:55 +0200

Sarrera

Gaur egun bizi dugun isolamendu egoeran, ezinbestekoa da bideokomunikazioarako tresnak eskuragarri izatea. Librezalekoek publikatu duten zerrendan begiratzen badugu, orain arte askok ezagutzen ez genituen, baina orain egunero erabiltzen ditugun Jitsi moduko tresnak ikusiko ditugu.

Nik post honetan, BigBlueButton tresnaren instalazioa nola egin dezakegun azalduko dut, baina horrekin hasi aurretik, esan behar dut hezkuntzarako oso tresna baliagarria iruditzen zaidala. Irakaskuntza prozesuan erabiltzen diren rolak eta funtzioak oso ondo betetzen dituela esango nuke, adibidez:

Nextcloud etxeko Raspberrypi-an

Mon, 31 Dec 2018 10:55:58 +0200

Dokumentu honetan nire etxean eta RaspberryPI bat erabiliz, Nextcloud instantzia propioa sortzeko erabili ditudan pausoak gainetik azaltzera noa (ez da gida zehatz bat). Norbait animatzen da, jakin dezala honek niri behintzat funtzionatu didala.

Erabiltzen ari naizen RaspberryPI-ak urte batzuk ditu, RaspberryPI2B modeloa da: https://www.raspberrypi.org/products/raspberry-pi-2-model-b

Dropbox ezagutzen duenarentzat, Nextcloud-en erabilera oso antzerakoa dela konturatuko da. Sortuko dugun nextcloud instantzia honetan guk nahi ditugun erabiltzaileak sortu ahal izango ditugu, eta erabiltzaile bakoitzak bere txokoa izango du, non:

Linux Pakete Bertsio Zehatz Bat Nola Instalatu

Sun, 30 Dec 2018 11:09:00 +0200

Ez da kontu arrunta, baina batzuetan arazo hau izan dezakegu: Auskalo zergatik, pakete baten bertsio zehatz bat instalatu nahi dugu, baina gure Debian/Ubuntu sistemak berriago bat jartzen digu.

Normalean gomendagarriena sitemak berak proposatzen digun bertsioa jartzea izango da, baina posible ere bada aurreko bertsio bat nahi dugula esatea.

Adibidez, nire ordenagailuan Ubuntu 18.10 (cosmic) dut, eta gaur egun sistemak proposatzen didan openvpn bertsioa 2.4.6-1ubuntu2 da.

Nik instalatu nahi dudan openvpn bertsioa Ubuntu 17.10(artful)-k zeukana da, 2.4.3-4ubuntu1 bertsioa alegia.